Licenciado en Dereito, o franciscano Paco Castro empezou nos seus primeiros anos de universidade a dedicar o seu tempo libre a tarefas sociais benéficas.
Ademais de prestar servizo como reitor-gardián do convento de San Francisco e exercer como director do Museo de Terra Santa, da súa inquietude polo Camiño de Santiago naceu o Fogar de Espiritualidade San Francisco de Asís para a acollida de peregrinos, ao que califica como “un espazo aberto de encontro e convivencia entre xentes de diversos lugares do mundo, máis aló de conviccións relixiosas, para favorecer a creación dun clima de espiritualidade e fraternidade universais”.