De que vai o TEDxGalicia 2011

Data e sede

Este ano repetimos cidade e arquitecto como sede para a organización do TEDxGalicia 2011. O evento do próximo 25 de novembro terá lugar na Facultade de Ciencias da Comunicación da USC, en Santiago de Compostela.

Queremos, dende aquí, agradecer especialmente a recepción que tivo por parte de José Pereira, decano da facultade, a posibilidade de organizar o TEDxGalicia nas instalacións que xestiona.

O número de prazas coas que contamos este ano rondan as 300 persoas e para iso, en breve terás máis imformación do proceso de selección de participantes.

Información do TEDxGalicia 2011

Programa

A temática do TEDxGalicia 2011 é Sinxelas aproximacións a unha realidade complexa

Esta temática nos propón unha viaxe que facilite a interpretación do que está a acontecer ao noso redor e das íntimas relacións entre múltiples variables que poden non resultar obvias a priori.

Imaxina – Pensa – Crea – Comparte. Estes son os catro bloques de contidos que nos presentan un itinerario de creación de coñecemento e cambio que propón: a imaxinación como base, o pensamento como ferramenta, a creación como obxectivo e compartir como fundamento da creación valor.

Ponentes

TEDx Galicia pretende ofrecer charlas motivadoras das persoas máis innovadoras, impactantes e/ou influintes para o noso futuro.

Buscamos historias e voces destacadas da nosa comunidade con historias únicas ou persepctivas inusuais que podan trasnmitir dun xeito dinámico.

Se coñeces a alguén con estas características ou se ti te consideras que as tes, queremos sabelo! Utiliza o noso formulario para suxerir ponentes.

Todas as recomendacións son consideradas e valoradas pero a selección final de charlas e ponentes é responsabilidade exclusiva da organización.