O vindeiro 29 de novembro terá lugar no Parque Tecnolóxico de Galicia (Tecnópole) a primeira edición do TEDxYouth@Galicia. Un evento que convinará charlas de referentes inspiradores para a mocidade e charlas das propias mozas e mozos que toman parte das Aulas Tecnópole.

A nosa intención e desenvolver unha metodoloxía didáctica de aproximación á filosofía de comunicación atractiva e coñecemento aberto de TED e os TEDx. Partindo dunha preparación específica en comunicación varias mozas e mozos serán seleccionados para compartir as súas ideas sobre o escenario do TEDxGalicia que se celebrará no día seguinte.

Máis que un evento en si mesmo, o TEDxYouth@Galicia trata de ser un proceso a través do cal capacitar á mocidade galega para a comunicación das ideas, experiencias e o coñecemento.

Neste piloto que realizaremos no 2012, trataremos de probar a potencialidade desta iniciativa para expandila a través dos centros de ensino, asociacións xuvenís e espazos de participación non-formal da mocidade.

Se tes interese no proxecto e queres máis información non dubides en te poñer en contacto por email e se queres participar como asistente, en breve poremos a disposición as prazas libres das que disporemos ese día. Así que mantente en contacto 😉