A candidatura “Campus do Mar. Knowledge in Depth” que, liderada pola Universidade de Vigo, presentan as universidades e organismos de investigación de Galicia e o norte de Portugal está directamente relacionada co mar, un elemento historicamente ligado a Galicia, que se reflicte claramente na súa economía e na súa identidade social.

O proxecto do Campus de Excelencia Internacional é unha proposta que, partindo do mar como elemento singular en Galicia, aglutina intereses docentes, económicos e sociais para xerar un ecosistema de coñecemento no ámbito mariño.

Trátase dunha acción conxunta do Sistema Universitario de Galicia, o CSIC e o IEO, coa participación activa dos restantes axentes do sistema de Ciencia e Tecnoloxía de Galicia con implicación no ámbito mariño. Esta candidatura liderada pola Universidade de Vigo, xunto coas universidades de Santiago de Compostela, A Coruña e os organismos públicos de investigación, ten como obxectivo nuclear a toda a sociedade de Galicia en torno ao seu potencial docente e investigador no ámbito do mar, cun forte compoñente transfronterizo, mediante o establecemento de vínculos estreitos coas universidades do Norte de Portugal, e aberto ao exterior, proxectándose de forma moi particular cara a América Latina e África.