José Luís Gómez traballou en diversos xornais como La Voz de Galicia, O Correo Galego ou a revista Capital. Foi Director de Coordinación de Publicacións e Comunicación do Grupo ZETA e conselleiro de La Voz de Galicia, La Voz de Baleares, Atlas Galicia e Xornal Galinet.

É membro da Comisión Técnica de Comunicación Creativa do Consello da Cultura Galega e pertence ao Colexio Profesional de Xornalistas de Galicia, á Asociación da Prensa da Coruña, á Asociación de Xornalistas Europeos e á Asociación de Xornalistas de Información Económica. Entre outros, é Premio Galicia de Xornalismo en Información Económica (1988) e Premio Galicia de Comunicación (1995).

Desde 2008 ata o día de hoxe, dirixe Xornal de Galicia, diario do que é fundador.