A preinscripción pública para o TEDxGalicia 2011 comezará o vindeiro 10 de xuño. As e os participantes na primeira edición, como pioneiras e pioneiros do TEDxGalicia, tendes a vosa pre-inscripción garantida e simplemente teredes que confirmar a vosa intención de participar no prazo e polo procedemento que se vos notificará.
O aforo desta segunda edición é de 300 persoas. As e os participantes no TEDxGalicia 2010 teñen un prazo propio para formalizar o seu interese en participar na edición deste ano e unhas 30 prazas se reservan para invitacións seleccionadas de persoas que pola súa experiencia, profesión ou implicación en eventos similares, poidan ser de axuda na organización de vindeiras edicións do TEDxGalicia. Estimamos que queden de libre disposición unhas 175 prazas, polo que recomendamos que vos apuredes a solicitar a vosa pre-inscripción.
Buscamos persoas con inquedanzas e intereses e que poidades xogar un papel no futuro desenvolvemento do movemento TEDxGalicia. Con es intención se formulan as preguntas do formulario de pre-inscrición. Require de respostas sinxelas que serán utilizadas para decidir a disposición das 175 prazas de libre acceso, así que adícalle uns minutos de reflexión antes de escribilas.
O formulario estará dispoñible do 10 de xuño ao 31 de agosto. Este ano, as pre-inscricións iranse seleccionando na semana seguinte a cubrir o formulario e despóis terás un prazo de 15 días para formalizar a inscrición. Haberá unha lista de agarda para cubrir as prazas que non se formalicen no prazo establecido.
A información do evento será desvelada paulatinamente xa que pretendemos que as colaboracións e a participación sexa máis pola filosofía do TED e os TEDx fronte a interese dun aspecto concreto. En calquera caso toda a información acerca do evento, contenidos, charlas e ponentes será ofrecida antes de finalizar o prazo de inscrición. A estas alturas temos un 40% do programa pechado e traballamos coa estimación de termos pechado o 80% das charlas e ponentes no mes de xullo.
Para calquera dúbida ou aclaración non dubides en escribir a tedxgalicia@tedxgalicia.com.