Calquera que sexa o mundo que imaxinemos, as ideas sempre se atopan na base que sustenta o seu potencial de desenvolvemento.

Buscando a súa consolidación como o evento das ideas, TEDxGalicia aposta pola implicación e colaboración con eventos, institucións e organizacións de relevancia, polo compromiso que estas demostran con algún dos elementos fundamentais da identidade do movemento TED e o seu programa TEDx.

Este é o caso de Mundos Digitales. Evento de referencia consolidado que celebra nesta edición o seu décimo aniversario compartindo algunhas das ideas máis innovadoras e vangardistas no campo da creación dixital.

Comprometidos coa acción polo cambio as organizacións de Mundos Dixitais e TEDxGalicia van máis aló dunha declaración formal de intencións e traballan para integrar na edición 2011 de Mundos Dixitais unha pílula de difusión en formato TEDxGalicia. Un espazo no que a imaxinación sexa a base, o pensamento a ferramenta, a creación o obxectivo e compartir a marca de identidade da nosa forma de entender o valor das ideas.

Énchenos de orgullo que Mundos Dixitais tamén sexa TEDxGalicia.

visita MundosDigitales