En breve comezaremos a desvelar algunhas das charlas e relatores que teremos no TEDxGalicia 2011 e antes diso nos gustaría recordar que os títulos ou descricións que faremos son meras orientacións. Ao igual que acontece co fluxo imaxina-pensa-crea-comparte, os títulos son unha mera forma de organizar os contidos.

TEDxGalicia non pretende atar as posibilidades de expansión das ideas acotando un fluxo de contidos pechados. A nosa proposta é que cada participante sexa quen de facer a súa propia interpretación do sentido de cada charla en cada momento e, con un pouco de sorte, teremos moitas interpretacións diferentes ante unha mesma charla que avivarán os debates e discusións nos espazos para o efecto.

Non ousaríamos vos dicir o que se debe entender de cada unha das charlas xa que as ideas teñen moito máis poder cantas máis interpretacións delas se fagan e canta maior diversidade de opinión xeneren.

Os resultados do TEDxGalicia son moito máis enriquecedores canto máis diversas sexan as interpretacións que finalmente cada un e cada unha de vos fagades.