Xurxo Mariño Alfonso (Lugo, 1969) é biólogo e Doutor en Ciencias Biolóxicas pola Universidade de Santiago de Compostela (1998) e ten un Máster en Neurociencia pola Universidad Internacional de Andalucía. É profesor do Departamento de Medicina da Universidade da Coruña e imparte materias en centros universitarios da Coruña, Ferrol e Santiago.

Membro da Sección de Ciencia, Natureza e Sociedade do Consello da Cultura Galega e do grupo de investigación Neurocom da UDC, así como de varias sociedades científicas españolas e internacionais. O seu traballo de investigación céntrase no estudo das propiedades eléctricas e de computación do sistema nervioso. Ten publicado traballos de investigación en prestixiosas revistas especializadas e colaborado co Massachusetts Institute of Technology (MIT).

Preocupado fondamente pola divulgación da ciencia e a súa interacción coas humanidades, colabora co portal Culturagalega.org a través dos artigos publicados na sección ADN, e inicialmente na sección Os dados do reloxeiro (que posteriormente publicáronse nos volumes “Os dados do reloxeiro. Ciencia amena para mentes inquietas” e “Po de estrelas”), e tamén na web Amazings.es. Organiza por toda Galicia “cafés-teatro-científicos”, unha amena actividade divulgativa que leva a ciencia ata os bares; e desenvolve outras actividades de divulgación como os “Discurshows”, unha orixinal mestura de charla e teatro, ou os “monólogos” do espazo de ciencia e tecnoloxía da TVG “Conexións”.

Fotografía de Xurxo Lobato