Este ano repetimos cidade e arquitecto como sede. O TEDxGalicia 2011 terá lugar na Facultade de Ciencias da Comunicación da USC, en Santiago de Compostela o próximo 25 de novembro de 2011.
Baixo a temática Sinxelas aproximacións a unha realidade complexa, o programa se desenvolverá a través de 4 bloques de contidos ao longo dunha xornada de día completo. Cada bloque estará formado por varias charlas de duración non superior aos 18 minutos entre as que intercalaremos audiovisuais e algunhas presentacións máis curtas relacionadas coa temática do TEDxGalicia 2011.
O programa irá sendo desvelado paulatinamente e podes ir vendo algunhas das charlas previstas para o 2011. En breve poderás dispoñer do programa completo, porén non agardes para facer a túa preinscrición porque xa quedan menos de 100 prazas.
Traballamos con tada a ilusión por satisfacer as túas expectativas pero iso depende de moitísimos factores. O que sí podemos garantir é que seguimos a facer do TEDxGalicia un evento diferente, unha experiencia da que te gustará falar. Así que, non o dubides máis e preinscríbete canto antes.