O principal obxectivo deste foro, diseñado co formato TED, é acercar a Universidade á realidade social e da empresa, a través dun espazo no que compartir coñecemento interdisciplinar. Rara vez existe a oportunidade de que estudantes de Dereito compartan auditorio e interese cos de Química, Económicas, Psicoloxía ou Ciencias da Comunicación. O TEDxGalicia@USC pretende ofrecer ese entorno, apostando polas ideas e o coñecemento trasmitido dun xeito diferente, entretido pero sen perder o seu rigor.

Os principais destinatarios (participantes e asistentes) e beneficiarios do evento son, aínda que non de forma excluínte, os/as estudantes e demais membros da comunidade universitaria.

Próximo evento

A primeira edición do TEDxGalicia@USC terá lugar o próximo 11 de novembro de 2011 (11/11/11) no Salón de actos da Facultade de Psicoloxía. Consistirá nunha serie de oito charlas de duración non superior aos 18 minutos sobre ideas e experiencias que merecen ser compartidas pola súa capacidade de producir un impacto na sociedade. Ao final do evento teremos a oportunidade de departir e compartir un cocktail entre as e os pioneiros do TEDxGalicia@USC.

visita usc.tedxgalicia.com