Buscando a súa consolidación como o evento das ideas, TEDxGalicia aposta pola implicación e colaboración con eventos, institucións e organizacións de relevancia, polo compromiso que estas demostran con algún dos elementos fundamentais da identidade do movemento TED e o seu programa TEDx.

A Universidade de Santiago de Compostela, a través da súa Cátedra Bancaja Jóvenes Emprendedores, ten deseñado con nos un programa orientado á comunidada Universitaria en formato TEDx e co ánimo de sumar a un movemento de expansión das ideas en Galicia, temos acordado enmarcalo nos eventos de expansión do TEDxGalicia, denominando a este evento TEDxGalicia@USC.

TEDxGalicia@USC

O principal obxectivo deste foro, diseñado co formato TED, é acercar a Universidade á realidade social e da empresa, a través dun espazo no que compartir coñecemento interdisciplinar. Rara vez existe a oportunidade de que estudantes de Dereito compartan auditorio e interese cos de Química, Económicas, Psicoloxía ou Ciencias da Comunicación. O TEDxGalicia@USC pretende ofrecer ese entorno, apostando polas ideas e o coñecemento trasmitido dun xeito diferente, entretido pero sen perder o seu rigor.

Os principais destinatarios (participantes e asistentes) e beneficiarios do evento son, aínda que non de forma excluínte, os/as estudantes e demais membros da comunidade universitaria.

Máis información e inscricións

Podes consultar toda a información do evento en usc.tedxgalicia.com e formalizar a túa preinscrición aquí.

Para calquera dúbida ou question podes poñerte en contacto en usc@tedxgalicia.com