O noso partner Gradiant (Centro Tecnolóxico de Telecomunicacións de Galicia) organiza o seminario “The Satellite Role in the Mobile Communications Arena” no que, desde a perspectiva da industria, se analizará o futuro das comunicacións por satélite no contexto das comunicacións móbiles. O seminario terá lugar na sede de Gradiant no edificio CITEXVI (Campus Universitario de Vigo) o venres 15 de xuño das 9.30 ás 13.00 horas.

Gradiant atraerá a actores industriáis do campo das comunicacións móbiles e por satélite como Hispasat, Abertis Telecom, Thales Alenia Space Spain ou Alcatel-Lucent. Estas empresas nos ofrecerán a súa visión de negocio do papel que o satélite está chamado a representar na nova era de servizos móviles en Europa.

Este seminario é unha das actividades organizadas dentro do proxecto LIFTGATE, financiado pola Comisión Europea a través do VII Programa Marco de I+D.

A asistencia é gratuita pero é necesario rexistrarse. As e os interesados poden enviar os seus datos de contacto a liftgate@gradiant.org.

Máis información:

Marcos Álvarez – Gradiant – Oficina: (986) 120 430 – Móbil: 628 300 955