eContact.me quere facilitar o modo de crear conexións entre os asistentes a un evento para propiciar a construción dunha auténtica rede de interaccións sociais.

A empresa galega dot2code Technologies puxo en marcha no último ano esta plataforma que tivemos a oportunidade de probar no TEDxGalicia 2011. O voso feedback serviu para incorporar innumerables melloras de cara a este ano e están dispostos a continuar a experimentación co TEDxGalicia e por iso vos pedimos que nos fagades chegar as vosas queixas pero tamén suxerencias ou recomendacións para que a vosa colaboración permita seguir a mellorar a empregabilidade desta ferramenta.

Neste ano imos tratar de aproveitar todas as funcionalidades para procurarar mellorar a interacción entre participantes e entre participantes e ponentes, tanto no propio día do evento TEDxGalicia como tamén no preparatorio.

Imos tartar de poñer en contacto as ideas en movemento, e para iso estamos orgullosos de poder dicir que eContact tamén é TEDxGalicia.