Xa temos comezado a desvelar o panel de speakers que nos acompañará na próxima edición do TEDxGalicia, na Tecnópole o vindeiro 30 de novembro. Iremos presentando a dúas persoas cada día, en principio sen orde algunha e, algo máis adiante, en canto acabemos de traballar no fluxo de ideas, emocións e pensamentos compartidos, enviaremos o programa, xa na súa orde prevista.

O TEDxGalicia está organizado baixo directrices de TED. As conferencias TED non son as típicas ponencias. As e os asistentes aos TED e TEDx teñen grandes expectativas creadas a priori, por iso a selección de ponentes é fundamental para axeitar as presentacións que poden ter éxito no escenario do TEDxGalicia.

TEDx Galicia pretende ofrecer charlas dinámicas das persoas máis innovadoras, impactantes e/ou influintes para o futuro de Galicia.

Se coñeces a alguén con estas características ou se ti te consideras que as tes, queremos sabelo!

Utiliza o noso formulario para suxerir ponentes.