Este ano, por primeira vez na súa historia o TED Prize non foi outorgado a un individuo senon a unha idea da que depende o futuro do noso planeta: a Cidade 2.0.

Por unha vez e durante un único día, a plataforma TEDx impulsará a capacidade dunha comunidade global animando a organizar un evento TEDx baixo o tema “Cidade 2.0”.

Nese día, ao unisono, compartiremos as historias dos nosos benqueridos lares: Onde atopar os lugares máis brillantes? As adaptacións creativas? As respostas trasnformadoras fronte á inxustiza?, Quen fai as preguntas máis axeitadas? Quen son os pioneiros das solucións máis complexas?

As e os speakers tratarán temas como a cultura, o trasnporte, a educación, sanidade, ocio,…, en definitiva, os elementos que dictarán o éxito das nosas futuras cidades.

Limitacións polo adianto electoral

O evento forma parte dunha acción global de TED e está previsto para o 13 de outubro. Tras a convocatoria de eleccións ao Parlamento de Galicia para o día 21 dese mesmo més tomamos a decisión de facer o evento privado coa intención de que non se politicen as mensaxes por parte das e dos speakers.

Manteremos cumprida información e agardamos que as charlas estean dispoñibles despois das eleccións. Porén, se queres participar vai estar moi difícil porque contamos cun aforo moi limitado para 30 persoas que poderán participar por invitación persoal. Se consideras que podes ter algo que aportar ao debate, non dubides en te poñer en contacto con nome, apelidos, e a explicación do teu interese en city20@tedxgalicia.com.