Lucas nos propón un xogo que comeza por nos preguntar o por que de importantes cuestións da nosa vida. Un xogo no que nos propón que indaguemos na desnaturalización que temos vivido como seres humanos para nos volver renaturalizar a través da alimentación e de mudar una serie de hábitos cotiás.

Activista de actuar máis que de falar. Hai un tempo cansou de facer as cousas como se viñan facendo e comezou a repensalo todo. Isto levou á deriva da súa carreira como Arquitecto Técnico cara a semente de múltiples iniciativas que buscan reconstruir a sustentabilidade a través da alimentación:

• Prato Denominación de Orixe, unha tapería responsable itinerante que se preocupa pola saúde das persoas creando tapas saudabeis coherentes co entorno e sobre todo cun mesmo.
• Realimentate, actividade que consta de varios días de convivencia e promoción da sustentabilidade nos fogóns con encontros, cine, mercado,…
• Ultralimento, o ultramarinos que leva ao extremo o poder do alimento como transformador social e ambiental.