Temática

Coa temática “De que está feito o futuro?” queremos explorar as cousas coitás que configuran o que imos ser como individuos e como sociedade. Gustaríanos reflexionar acerca da importancia que teñen o pasado e o presente no futuro e polo tanto a nosa responsabilidade no seu deseño e, ao mesmo tempo sementar a dúbida de se hai cousas que por determinadas accións presentes ou pasadas están xa naturalmente predefinidas para acontecer.

Lugar e data

O TEDxGalicia regresa á Cidade da Cultura na planta -1 do Museo Gaias. Grazas á implicación do Centro de Emprendemento de Galicia (CEM) todo teñen sido facilidades para a organización.

A data será o 16 de xullo e temos previsto comezar de mañá coa primeira sesión do TEDxGalicia que comezará ás 1100h. A iso das 1330h agardamos que o tempo nos permita desfrutar dunha sesión vermut e outras opcións de lecer que nos levarán até as 1600h cando comezará a segunda sesión. Tras un pequeno descanso ás 1730h retomaremos coa terceira sesión ás 1800h que nos deixará ás portas das 2000h. Nesta edición queremos que existan espazos abondo para o intercambio e interacción entre as e os participantes que sodes quen realmente nutre este evento.

Estamos a traballar para poder ofrecer uns petiscos á hora da comida nun espazo especialmente habilitado para coñecernos, atoparmonos con poñentes deste ano e de anteriores, intercambiarmos pareceres e, en definitiva, tratar de facer unha expansión do evento máis aló das charlas. Aínda que pensamos que haberá alimento abondo, recordamos que non organizamos comida.

Formato

Ao longo dunha serie de intervencións, de duración inferior aos 18 minutos, o TEDxGalicia trasladaranos variadas visións do cotiá procurando abrir o enfoque que temos da realidade. Queremos o outro punto de vista. Fora de calquera proposta dogmática, a nosa ilusión é que saiamos do TEDxGalicia 2016 con máis dúbidas das que chegamos.

Entradas

En moi breve terás máis información acerca das entradas que se porán á venda a partirse da primeira semana de maio.